Blacklist.852

Coming Soon

是咁的,其實我哋舖頭告急已經唔係第一次,只不過之前冇而家咁大單,所以一直都冇講 。 或者藉住呢個機會,同大家講一講我哋嘅故事。
我哋呢個品牌,大概由上年11月開始諗出嚟,直至去到12月,我哋第一件產品面世,先至開始去諗成立一個品牌,為香港人提供一件香港製造嘅衫,去記錄低我哋呢一場抗暴之戰。
當時得我老細A同老細B去做,大家都係本住博嘅心態去經營。直至二月撞正垃圾武漢肺炎,有兩個朋友失業,所以就叫埋佢哋一齊去搞,雖然唔能夠真係出一份糧比佢哋,但係幫得就幫,賺到嘅錢就大家一齊分,同路人互相幫助,係與生俱來嘅責任。
我哋曾經係一班喺街頭抗爭嘅年輕人,好可惜現時我哋俾政府同班狗列咗入黑名單,所以被迫退下戰線。眼見住身邊嘅不公同流血嘅畫面,我哋決定以印衫嘅方式,去記錄低呢場運動。
至於612,點解我哋一直都要捐錢比佢哋,俗語都有話:得人恩果千年記,受人恩惠唔係奉旨,雖然我哋賺埋都唔夠開飯,但係呢個責任,我哋唔可以忘記。
好多客人都問過我哋同一個問題,就係點解人做抗爭衫,你做抗爭衫,點解你要賣到咁貴,人哋賣$70仲捐埋錢,點解你要賣貴人一半?
我想講,我哋有冇Hea你?有冇就咁求其印個香港加油就賣出去?我哋每件衫都要喺電腦畫超過20個鐘,再加上要喺香港印,所以成本好高,淨計成本已經貴過人哋出邊買抗爭衫嘅價錢。再加上我哋應承過大家,要去做一件made in HK嘅衫,絕對唔係淘寶買到嘅質素。
我哋已經押上咗前途同埋身上所有嘅資金去做,老細B原本係第二度讀書,佢都半年前嬲到直接退學返嚟香港,瞓身落BLACKLIST 。見到我哋嘅作品,就知道我哋同呢個政府已經冇彎轉,我哋唔望靠牌子去大富大貴,只係希望我哋唔好連呢啲小小嘅自由都俾人扼殺,真係變香港市。
我哋做呢啲作品出嚟,唔係未諗過可能會有人俾人封口,但係我哋全體員工熱愛生命,唔會自殺,加上方向感非常好,唔會無端端走咗上天台或者海邊。我知係有mon po 狗,但係又點啫,你同我買衫未啊,睇咁耐都唔幫襯,屌。
我希望睇到呢篇野嘅真香港人,能夠發揮你團結嘅力量,幫我哋share出去,等我哋可以有條件去繼續抗爭落去,為你地去記錄低中共係點樣殘害呢一班年青人。多謝
希望我哋可以一齊共渡呢個難關,期望我哋能夠除罩係煲底相見。(中國病毒你好撚煩,咪撚阻住我除罩同手足相見)

BLACKLIST.852 SINCE 2019

close